السيسى لــ"أسر شهداء الوادى الجديد": "والله ياريتنى استشهدت بدل أولادكم"

مشرف

تقدم عبد الفتاح السيسى رئيس الجمهورية، بخالص العزاء لأسر شهداء الحادث الإرهابى الذى راح ضحيته 22 من جنود قوات حرس الحدود بالقرب من واحة الفرافرة بالوادى الجديد، مؤكداً أن مثل هذه العمليات الإرهابية الغادرة لن تنال من إصرار وعزيمة الشعب المصرى وقواته المسلحة على اقتلاع جذور الإرهاب والتطرف.

السيسى لــ"أسر شهداء الوادى الجديد": "والله ياريتنى استشهدت بدل أولادكم" S720142020823

وقال الرئيس فى حديثه مع أسر الشهداء أثناء استقبال الجثامين فى مطار ألماظة: ما يحدث فى مصر حرب كبيرة والبلد كان أمامها خياران أما الناس تموت بعضها أو الجيش يخش يموت وعشان كده اخترنا أولادكم وأولادى وأولاد كل المصريين واللى ماتوا دول أبناء لكل الشعب ومش أبنائكم انتو فقط وراحوا فدى لكل المصريين عند ربنا اللى مبيضعش عنده حق".

وأكد "السيسى" أن الدولة وقواتها المسلحة لن تترك الإرهابيين والمجرمين الذين ارتكبوا الحادث الغاشم، وذكر السيسى: "احنا مش هنسيب المجرمين والارهابيين أبداً ونعاقبهم بقوة وخلى بالكم أن مصر بتتهاجم من كل مكان بالإضافة إلى المهاجمة من الداخل وده أول مرة أن مصر تستهدف بالطريقة دى".

وأضاف الرئيس: "هقولكم على حاجة تبرد ناركم مصر كلها حزينة على اللى مات وانتو مهمومين واحنا مهمومين وربنا نجانا بشهدائنا ابنك وابنه وبعزيكم وبعزى كل مصر، وأقول للى استشهد ده ابن لكل المصريين ودمه فى رقبيتا كلنا ومش هننسى والجيش مش هينسى ولا الشرطة وعايزين نشوف بلدنا فى خير وسلام والناس يعيشون فى أمان والعدو مش عايز كده ودى أكبر أزمة بتمر بيها مصر والمنطقة كلها ويعز علىّ دموع أى حد فيكم، ويا ريتنى كنت أنا اللى استشهدت والله العظيم يا ريتنى كنت أنا مكان أولادكم ولا كنت وقفت أمامكم كده".

ورد أهالى الشهداء على الرئيس قائلين: "كلنا فداك يا ريس وفداء بلدنا والشهيد هيرتاح فى قبره بعد ما ناخد حقه ولو عايزنا نخش الجيش تانى نخش وندافع عن بلدنا وربنا يكون فى عونك يا ريس".

وأشار رئيس الجمهورية، إلى أنه تم تشكيل لجنة لمتابعة الحادث ومراجعة الطرق الأمنية واستطرد: "فى لجنة متشكلة بتراجع كل حاجة فى البلد وتشوف ايه اللى بيحصل".

http://www1.youm7.com/News.asp?NewsID=1784526#.U8xBEhSSwnE

جندي الموقع : sousse

هل داعش أو دامس من قامت بتلك العمليات إرهابية

» صور كتيبة الوادى الجديد قبل استشهاد أفرادها فى الهجوم الإرهابى
» الرئيس عبد الفتاح السيسى يتفقد وحدات التدخل السريع
» 4 شهداء من الشرطة المصرية في إطلاق مجهولين النار على كمين في الجيزة
» شرح مفصل عن طرق حماية الفريم لنفسها ---وحش والله---
» استعراض لاحدث تدريبات الصاعقة المصرية فى حضور السيسى

السيسى لــ"أسر شهداء الوادى الجديد": "والله ياريتنى استشهدت بدل أولادكم"

السيسى لــ"أسر شهداء الوادى الجديد": "والله ياريتنى استشهدت بدل أولادكم"

مواضيع مماثلة

مواضيع مماثلة

مواضيع مماثلة

مواضيع مماثلة

صفحة 1 من اصل 1